გარიცხავენ თუ არა ეკა ბესელიას საპარლამენტო უმრავლესობიდან, პოლიტიკოსის განცხადებით, მასთან ასე საუბრის უფლება არავის აქვს. ეკა ბესელიას თქმით, მას ამ ტონით გუნდში არავინ ელაპარაკება და გადაწყვეტილებებს თავად იღებს.
“ამ ასაკამდე ისე მოვედი, რომ ყველა გადაწყვეტილება ეკა ბესელიას მიუღია და სხვისი არავისი”, უპასუხა ბესელიამ ჟურნალისტებს.
“მე ვერავინ გამრიცხავს, მე თავად ვიღებ გადაწყვეტილებებს. არავის აქვს იმხელა უფლებამოსილება, რომ ჩემთან დაკავშირებით მიიღოს ასეთი გადაწყვეტილება. ჩემთან ასეთი საუბარი: გაგრიცხავთ და ა.შ. ამის უფლებას თავს არავინ აძლევს, ამის უფლება არ აქვს არც პარლამენტის თავმჯდომარეს და არც პოლიტსაბჭოს წევრებს. ასეთი რამ არ უთქვამს არც პარტიის თავმჯდომარეს. მე არ მგონია, რომ ასე უნდა მელაპარაკოს ვინმე და არც არავინ მელაპარაკება ამ ტონით და ამ ფორმით. ამიტომ ეს კითხვა ჩემთან დაკავშირებით შეგიძლიათ მოხსნათ”,აღნიშნა პოლიტიკოსმა.
