რესპუბლიკელი დავით ზურაბიშვილი თვლის, რომ საქართველოს ხელისუფლება რუსეთთან დაპირისპიებას ერიდება და ამის მთვავარი მიზეზი ბიძინა ივანიშვილია:
“ბიძინა ივანიშვილს ცოცხალი თავით არ სურს რუსეთის კრიტიკა და პუტინთან დაპირისპირება. ამ დროს რუსები ისე იქცევიან, რომ ერთადერთი ღირსეული და სწორი რეაქცია მათ მიმართ სწორედ კრიტიკა, ხმაურის ატეხვა და დაპირისპირებაა, რაც, როგორც თავიდანვე აღვნიშნე, ბიძინა ივანიშვილს ცოცხალი თავით არ სურს.
შესაბამისად საქართველოს მთავრობა და საპარლამენტო უმრავლესობაც გასუსულია, რამდენადაც იქ ყველა ანგარიშვალდებულად მიიჩნევს თავს მხოლოდ და მხოლოდ ბიძინა ივანიშვილის წინაშე და ემანდ შემთხვევით რამე ანტირუსული რომ დაცდეთ და ბატონის რისხვა მოიწიონ, მერე სად წავიდნენ?
ერთადერთი რასაც ხელისუფლება ასეთ დროს ჩალიჩობს, არის ის, რომ რეკავენ ნაცნობ რუსებთან და ამუნათებენ, “ივანიჩ (პეტროვიჩ, სტეპანიჩ, კუზმიჩ) რატომ გვიშვებით ამას, ჩვენ თქვენსკენ და თქვენ ნაცებისკენო?” მაგრამ ამაოდ, “მასკვა სლეზამ ნე ვერიტ.”
ესაა დღეს ქართული პოლიტიკის მთელი ალია-ბალია და ასე გაგრძელდება მანამ, სანამ ძალაუფლება იქნება ბიძინა ივანიშვილის ხელში.“–ამბობს დავით ზურაბიშვილი.
