რამდენიმე წუთის წინ მამუკა ხაზარაძემ და ბადრი ჯაფარიძემ პროკურატურა დატოვეს. მათ ბრალი ოფიციალურად წარუდგინეს.
ბადრი ჯაფარიძის განცხადებით, მიმდინარე გამოძიება არის მისი და მამუკა ხაზარაძის წინააღმდეგ პირადი დევნა. მისივე თქმით, პროექტები, რომელშიც ისინი არიან ჩართული, არ შეფერხდება.
„ეს დევნა გრძელდება უკვე წელიწადია. სამწუხაროდ, ეს არის მამუკას და ჩემ მიმართ პირადი დევნის გაგრძელება. ეს აყენებს უზარმაზარ ზიანს ქვეყანას, რა თქმა უნდა, იმ პროექტებს, რომელშიც ჩვენ ვართ. ყველაფერს გავაკეთებთ იმისთვის, რომ არცე ერთი პროექტი, სადაც მე და მამუკა ვმონაწილეობთ, არ შეფერხდეს. არც ერთ მათგანს არ შეეხოს მათი განხორციელება. ჩვენ ახლა განვიხილავთ ყველა ზომას, რომ ბანკის აქციონერები იყვნენ მშვიდად, რომ ბანკს არანაირი საფრთხე არ ემუქრება და ნამდვილად არ ემუქრება,“ – განაცხადა ბადრი ჯაფარიძემ.
პროკურატურის ინფორმაციით, გამოძიება მამუკა ხაზარაძეს და ბადრი ჯაფარიძეს 16 754 000 ამერიკული დოლარის უკანონო შემოსავლის ლეგალიზაციას ედავება.
