“გადადგეს საქართველოს მთავრობა!” – ბათუმში ორმა ადამიანმა შიმშილობა დაიწყო

საპროტესტო აქცია ბათუმში – ორმა მოქალაქემ მთავრობის გადადგომის მოთხოვნით, შიმშილობა დაიწყო. უჩა ოქროპირიძისა და რობერტ ნადირაძის თქმით, 20 ივნისის მოვლენები ხელისუფლებისგან ხელოვნური პროვოკაცია იყო და მოქალაქეები უსაფუძვლოდ დააკავეს.

ისინი ხელისუფლებასთან შეხვედრას ითხოვენ, რათა საკუთარი შეხედულებები დააფიქსირონ. აქციის მონაწილეების თქმით, ქვეყანაში საჯარო სამსახურში დასაქმებულთა რაოდენობა უნდა შემცირდეს.

„ხელისუფლებას დაკარგული აქვს ყოველგვარი კონტაქტი ა მოწყვეტილია რეალობას და ჰგონია, რომ ეს ყველაფერი სხვისი ბრალია,“ – განაცხადა ბათუმის შოთა რუსთაველის უნივერსიტეტის ნიკო ბერძენიშვილის ინსტიტუტის მთავარმა მეცნიერ-თანამშრომელმა, უჩა ოქროპირიძემ.