შაბათის კურიერის ანონსის მიხედვით მათ მოიპოვეს დოკუმენტები იმის შესახებ, რომ საქართველოს ხელისუფლებაში მუშაობის პარალელურად შინაგან საქმეთა მინისტრი, გიორგი გახარია ლონდონის გავლით რუსეთს ფარულად სტუმრობდა.
კურიერის ინფორმაციით მათ ხელთ ჩაუვარდათ რუსეთის სასაზღვრო სამსახურის მონაცემები. გადაცემის ანონსში საუბარია იმაზე, რომ ყველაზე გავლენიანი მინისტრის რუსული კვალი იკვეთება და ის შესაძლოა ივანიშვილის დამხმარედ საქართველოში რუსეთმა მოავლინა. გიორგი გახარია შს მინისტრობამდე ეკონომიკის მინისტრი იყო, მანამდე კი ბიზნეს ობმუდსმენი.
საქართველოს ხელისუფლებაში საქმიანობის დაწყებამდე ის რუსეთში ცხოვრობდა, იქვე ჰქონდა ბინა და ბიზნესი.
