ამ დროისთვის თბილისში, რუსთაველის გამზირზე მდებარე გალერია თბილისში ხანძარი ლიკვიდირებულია. ცეცხლი საღამოს დაახლოებით 22:30 საათისთვის მეოთხე სართულზე ტექნიკურ ფართს გაუჩნდა. ხანძარი დიდ ფართობზე არ გავრცელებულა, თუმცა მთელ შენობაში ძლიერი დაკვამლიანება იყო, რადგან კვამლი სავენტილაციო მილების საშუალებით სწრაფად გავრცელდა. განხორციელდა შენობაში მყოფთა ევაკუაცია. ადგილზე ათეულობით მეხანძრე მუშაობდა. ცეცხლის კერის მოძებნის შემდეგ მისი ლიკვიდაცია მოხდა. ჯერჯერობით უცნობია ზარალის ოდენობა და სხვა დეტალები.
