24 წლის შაკო ბარამიძის ოჯახი ავრცელებს საგანგებო განცხადებას, რომელშიც ემიჯნებიან „გირჩის“ განცხადებას ემიჯნებიან. შაკო ბარამიძე გასულ კვირას ავარიისას გარდაიცვალა. იმის გამო, რომ ის გირჩის რელიგიური ორგანიზაცია “ბიბლიური თავისუფლების“ წევრი იყო მართლმადიდებელმა ეკლესიამ მისთვის წესის აგებაზე უარი თქვა. ინფორმაცია ამის შესახებ გირჩმა გაავრცელა და მოგვიანებით საპატრიარქოს პრესსამსახურმაც დაადასტურა:
„აწ გარდაცვლილი შაკო ბარამიძის მშობლების და ოჯახის საგანგებო განცხადება!!!
პოლიტიკური ორგანიზაცია „გირჩის“ მიერ სხვადასხვა საინფორმაციო პორტალებზე გავრცელებულ ინფორმაციასთან დაკავშირებით გვსურს განვმარტოთ შემდეგი:
ოჯახი სრულად იზიარებს მართლმადიდებლური დიდი სჯულის კანონის ყველა მოთხოვნას მიცვალებულის წესის აგებასთან დაკავშირებით, ვართ მორწმუნე მართლმადიდებელი ქრისტიანები.
გვინდა განსაკუთრებული მადლობა გადავუხადოთ ხონი-სამტრედიის მთავარეპისკოფოსს მეუფე საბას ოჯახის ტრაგედიის მაქსიმალურად გაზიარებისა და გვერდში დგომისათვის. მიცვალებულის სულისათვის წესის აგების საკითხს განიხილავს წმინდა სინოდი. პირველი
გვსურს გამოვთქვათ მკაცრი პროტესტი, ოჯახის უდიდესი ტრაგედიის პირადი პოლიტიკური მიზნებისა და საქართველოს მართლმადიდებელი ეკლესიის დისკრედიტაციის გამოყენების მცდელობის გამო.
გვსურს მოვუწოდოთ საქართველოს ახალგაზრდობას განსაკუთრებული სიფრთხილით მოეკიდოს „გირჩის“ მიერ დარეგისტრირებულ ორგანიზაციაში გაწევრიანების საკითხს. არასოდეს გახდეთ მსხვერპლი ბრმა მოწოდებებისა.“ -ნათქვამია ოჯახის განცხადებაში.
