გავრცელებული ინფორმაციით, ეკონომიკის მინისტრმა გიორგი ქობულიამ თანამდებობა დატოვა. თუმცა ინფორმაცია “ნიუსრეპორტს” ეკონომიკის სამინისტროში არ დაუდასტურეს.
დღეს გიორგი ქობულია “ქორთიარდ მარიოტში” ქართულ-კვიპროსულ ბიზნეს ფორუმში მონაწილეობდა.
ეკონომიკის მინისტრმა ჟურნალისტების კითხვაზე, დატოვებს თუ არა თანამდებობას, უპასუხა, რომ ეს პრემიერ-მინისტრის გადასაწყვეტია.
“მაგასთან დაკავშირებით მე ნუ მეკითხებით. ამისთვის არსებობს პრემიერმინისტრი, ვინც იღებს ასეთ გადაწყვეტილებებს და მას შეგიძლიათ მიმართოთ”, – განაცხადა ქობულიამ.
გიორგი ქობულია ეკონომიკის მინისტრად 2018 წლის 12 ივლისს დაინიშნა.
