საპროკურორო საბჭოს და „ევროპული საქართველოს” წევრის, ოთარ კახიძის განცხადებით, პროკურატურაში მიმდინარე გენერალური პროკურორობის კანდიდატის შერჩევის პროცესი ფარსია და კანდიდატს სინამდვილესი ბიძინა ივანიშვილი ირჩევს.
მისი თქმით, ის მხოლოდ ირაკლი შოთაძესთან გასაუბრებას დაესწრება.
,,ივანიშვილის პროკურატურში იწყება მორიგი სპექტაკლი, თითქოს რაღაც დამოუკიდებელი საპროკურორო საბჭო იწყებს გენერალური პროკურორობის კანდიდატის შერჩევას. სინამდვილეში კანდიდატს ირჩევს თავად ბიძინა ივანიშვილი და ეს ყველაფერი, მთელი ეს პროცედურა არის სრული ფარსი და არავითარი კავშირი არ აქვს კანონთან და გენერალური პროკურორობის კანდიდატის შერჩევასთან. შესაბამისად, მე ამ წარმოდგენაში მონაწილეობის მიღებას არ ვაპირებ. რაც შეეხება ირაკლი შოთაძეს, როგორც ივანიშვილის რჩეულს, როდესაც მას ექნება საშუალება, რომ პასუხები გასცეს იმ კითხვებზე, რაც საზოგადოებას აქვს, აუცილებლად დავესწრები ამ სხდომას და კითხვებსაც დავსვამ”,- ამბობს ოთარ კახიძე.
ცნობისთვის, გენერალური პროკურორობის კანდიდატებთან ინდივიდუალური გასაუბრება დღეიდან იწყება.
