მოსალოდნელ სამთავრობო ცვლილებებს ევროპული საქართველოს წევრი, ოთარ კახიძე ფეისბუქ სტატუსით ეხმაურება. ღარიბაშვილი, რომელიც სავარაუდოდ შს მინისტრად ინიშნება მისი განცხადებით ივანიშვილის მონაა, გახარიას პრემიერად დანიშვნა კი საზოგადოების მასხრად აგდება.
“ღარიბაშვილი არის ბიძინას მონა (ამ სიტყვის კლასიკური გაგებით), ბნელი, რუსეთუმე, ასავალ-დასავალის ფავორიტი, წამების კადრები რომ ბავშვებს აყურებინა – მაგ დონის, უფრო სწორად – უდონო კაცი.
თან კორუმპირებული, თან ყეყეჩი, თან – არავინ პატივს რომ არ სცემს, ისეთი, მოკლედ, ეგ შს მინისტრად იქნება სრული კრახი.
გახარიას დაწინაურება ანტისაოკუპაციო მიტინგის მონაწილეებისთვის თვალების დათხრის შემდეგ – საზოგადოების მასხრად აგდება და ბოლომდე გამოწვევა იქნება, რაც საშუალოვადიან მომავალში ქართულ ოცნებას და პირადად ივანიშვილს ძალიან ცუდ მომავალს უქადის. ნუ – არსებული სცენარებიდან ალბათ ყველაზე უარესს.
გაბედავს ივანიშვილი ხალხის წინააღმდეგ ღიად წასვლას?“–წერს ოთარ კახიძე
