„გიგი უგულავა დღეს თუ დაიჭირეს, ეს იქნება ერთი დანაშაულისთვის ორჯერ მსჯავრდების პრეცენდენტი და კონსტიტუციის უმძიმესი დარღვევა“ , – ამის შესახებ სოციალურ ქსელში ტელეკომპანია „მთავარის“ დამფუძნებელი ნიკა გვარამია წერს.
„გიგი უგულავა დღეს თუ დაიჭირეს, თან ზეპირი მოსმენის გარეშე, რა ფორმალური დეტალებიც არ უნდა მოიშველიონ, ეს იქნება ერთი დანაშაულისთვის ორჯერ მსჯავრდების პრეცენდენტი და კონსტიტუციის უმძიმესი დარღვევა. აი ეს კი ნამდვილად უპრეცენდენტო იქნება დიქტატორული რეჟიმებისთვისაც კი. ამ განაჩენის ყველა ხელმომწერი აუცილებლად წავა ციხეში. ბრალმდებელიც, დამკვეთიც“, – წერს გვარამია.
შეგახსენებთ, უზენაესი სასამართლო თბილისის ყოფილ მერთან, გიგი უგულავასთან დაკავშირებულ, თბილისის განვითარების ფონდის საქმეზე მიღებულ გადაწყვეტილებას დღეს გამოაცხადებს. ე.წ. ფონდის საქმეზე სასამართლო გადაწყვეტილებას ზეპირი მოსმენის გარეშე გამოაცხადებს. საუბარია თბილისის განვითარების ფონდიდან საბიუჯეტო თანხების გაფლანგვის საქმეზე, რომლის ძიება 2013 წელს დაიწყო. საკასაციო საჩივარში პროკურატურა ითხოვს, შეიცვალოს თბილისის ყოფილი მერის მიმართ ბრალდების ფორმულირება გაფლანგვის მუხლით, რაც ოთხიდან შვიდ წლამდე პატიმრობას ითვალისწინებს.
