გორელი ძაღლი, სახელად ჯორჯი ჰოლივუდში სერიალში მონაწილეობის მისაღებად მიემგზავრება. უსახლკარო ძაღლი ავტოგასამართ სადგურზე ამერიკული ტელესერიალების მსახიობებმა – სიმუს და ჯულია დევერებმა აღმოაჩინეს და კალიფორნიაში წაიყვანეს. დევერები ABC-ის სერიალში Castle მონაწილეობენ.
ჯულიანამ ლეკვის ფოტოები ტვიტერზე გამოაქვეყნა და მომხმარებლებს ჰკითხა ხომ არ იშვილებდა ვინმე უპატრონო ლეკვს. ისინი საქართველოში არსებულ ორგანიზაციას, Dog organization Georgia-ს დაუკავშირდნენ და ძაღლი ორგანიზაციის თავშესაფარში გადაიყვანეს. ლეკვს პატრონი მალევე გამოუჩნდა. ჯორჯი კალიფორნიაში მალე მიემგზავრება,სადაც ერთ-ერთი მთავარი როლი ელოდება.
