გურჯაანის მუნიციპალიტეტში მევენახეები ყურძნის ჩაბარების ფასის გაზრდასა და ქარხნების დროულად გახსნას ითხოვენ.ისინი ამ მოთხოვნებით სოფელ ზეგაანში აქციას მართავენ.
„მოსავალს ვიღებთ, მაგრამ ყურძენი ლპება და დროულად ვერ ვაბარებთ. ფასს რომ თავი დავანებოთ, ქარხანა არ იღებს და რაც გვაქვს ისიც ფუჭდება. დაცინვაა 70 თეთრი, დანახარჯსაც ვერ ანაზღაურებს. რქაწითელი ერთ ლარზე ნაკლები არ უნდა ღირდეს“, – აცხადებენ აქციის მონაწილები.
მევენახეები აცხადებენ, რომ ისინი საპროტესტო აქციებს გააგრძელებენ, სანამ მათი მოთხოვნები არ დაკმაყოფილდება.
ფერმერებთან ადგილზე მივიდა გურჯაანის მუნიციპალიტეტის მერი არჩილ ხანდამაშვილი. დღესვე მევენახეებს გურჯაანის მერიაში სოფლის მეურნეობის მინისტრის მოადგილე სოლომონ პავლიაშვილი და კახეთის გუბერნატორი ირაკლი ქადაგიშვილი შეხვდებიან.
