„დურაკია და იმიტომ აკეთებს ასეთ განცხადებებს“, – ასე ეხმაურება საპარლამენტო უმრავლესობის ლიდერი გია ვოლსკი საქართველოს ყოფილი პრეზიდენტის მიხეილ სააკაშვილის გუშინდელ განცხადებებს.
„კასანდრა მაშინ უნდა ყოფილიყო, როცა რეალურად ჩვენი სახელმწიფო იდგა საშიშროების წინაშე. ამბობს, მე კასანდრა არ ვარ, მაგრამ ხედავს მომავალს. ასეთი მომავლის ხედვა, სააკაშვილს რომ ქონოდა იმ პერიოდში, როდესაც ხელს უწყობდა რუსეთს თავისი ინტერესები გაეტარებინა სამხრეთ კავკასიაში, იქნებოდა უკეთესი. ან არის კასანდრაა და განგებ შეუწყო რუსეთს ხელი, ან არის ცრუპენტელა“, – აღნიშნა გია ვოლსკიმ.
