იმუნოლოგი, რომელიც თეირანში მომხდარ ავიაკატასტროფაში დაიღუპა კანადის სამეცნიერო საზოგადოებისთვის საშინელი დანაკარგია. 36 წლის ფოროუ ჰადემმა პარაზიტული დაავადება ლეიშმანიოზის მკურნალობის მეთოდი აღმოაჩინა. ამ დაავადებას ყოველწლიურად 26000–დან 65 000–მდე ადამიანი ეწირება. ის არაკომერციულ კვლევით ორგანიზაცია Mitacs–ში მუშაობდა.
ჯუდ უზონა, რომელიც ჰადემთან ერთად მუშაობდა, როცა მან მანიტობის უნივერსიტეტში სადოქტორო დისერტაცია დაიცვა, ამბობს: “ვერ ვიჯერებ რომ ის წავიდა. მისი გარდაცვალებით კაცობრიობამ უძვირფასესი საგანძური დაკარგა“.
მეცნიერი ირანში ოჯახის სანახავად ჩავიდა. თვითმფრინავის აფრენამდე რამდენიმე წუთით ადრე მან უზონას მიწერა, რომ ცოტა ღელავდა აშშ–სა და ირანს შორის არსებული დაძაბულობის გამო.
შეგახსენებთ, რომ თეირანთან უკრაინის ავიახაზების სამგზავრო თვითმრინავი 8 იანვარს ჩამოვარდა. მანამდე ირანმა ერაყში ამერიკის ბაზებზე ორი სარაკეტო შეტევა განახორციელა. როგორც გაირკვა, სამგზავრო თვითმფრინავის ჩამოგდების მიზეზიც ირანული რაკეტა გახდა. ირანი რამდენიმე დღე მალავდა კატასტროფაში საკუთარ ბრალს, სანამ საერთაშორისო თანამეგობრობამ და მედიამ მკაფიოდ არ განაცხადა, რომ თვითმფრინავის კატასტროფის მიზეზი არა ტექნიკური გაუმართაობა, არამედ რაკეტა გახდა. მას შემდეგ ირანმა საკუთარი ბრალი აღიარა და თქვა, რომ შეცდომა მოხდა.
