ბიზნესმენი ლევან ვასაძე პატრიარქის მხარდამჭერ ვიდეომიმართვას აქვეყნებს. სოციალურ ქსელში გავრცელებულ ვიდეოში, ვასაძე კითხვას სვამს, რით დაიმსახურა ქართველმა ერმა ეს წყალობა, რომ პატრიარქი ილია მეორეა.
“რით დავიმსახურეთ ქართველებმა ეს წყალობა და თუ არაფრით დაგვიმსახურებია, რით ამოვიდეთ უფლისადმი ამ ვალიდან ოდნავ მაინც. იქნებ სათუთი გაფრთხილებით ამ ღვთიური საჩუქრისა, იქნებ მორჩილებით მის მიერ დადგენილი განწესებისა, იქნებ დაბრუნებით ჭეშმარიტი სიცოცხლის წყაროსთან,
სადაც ის, მარად მომღიმარი და მიმტევებელი თვალებით გველოდება”, — ამბობს ვასაძე პატრიარქზე.
შეგახსენებთ, გუშინ სინოდის სხდომის დასრულების შემდეგ, სადაც მეუფე პეტრე მღვდელმთავრობიდან გადააყენეს, მან სკანდალური განცხადებები გააკეთა.
