საქართველოს მე-4 პრეზიდენტი გიორგი მარგველაშვილი ოპოზიციისა და ხელისუფლების შეთანხმებასთან დაკავშირებით ამბობს, რომ,,ქართულმა ოცნებამ” ისეთი ავტორიტეტი ჩამოაყალიბა თავის თავაზე, რომ სიტყვაზე ვერ ენდობი.
მისი აზრით, ახლა კიდევ ერთი ტრიუკი ოცნების მხრიდან ,,კატასტროფას დააყენებს”.
,,ისეთი ავტორიტეტი ჩამოაყალიბა “ქართულმა ოცნებამ” თავის თავზე, რომ სიტყვაზე უბრალოდ ვერ ენდობი. ძალიან სამარცხვინოა ამის თქმა, მაგრამ ამის თქმა შემიძლია. არიან ადამიანები, რომლებიც არიან თაღლითები, მაგრამ თაღლითებსაც გააჩნიათ რეალობის განცდა. ახლა კიდევ ერთხელ რაღაც ტრიუკი, უკვე მგონი კატასტროფას დააყენებს. როგორ შეიძლება ნორმალური საარჩევნო გარემო იყოს იმ ქვეყანაში, სადაც პერიოდულად პოლიტიკოსებს ან იჭერენ, ან მათზე საქმეს აღძრავენ, ან მუდმივად ისინი არიან შანტაჟის ობიექტები. მიღწეულია ის, რომ ამ ადამიანებმა უნდა დატოვონ ციხე,“ – აცხადებს გიორგი მარგველაშვილი.
შეგახსენებთ, რომ გუშინ, 8 მარტს ხელისუფლებასა და ოპოზიციას შორის შეთანხმება შედგა. მათ ორი მემორანდუმი გააფორმეს. ერთი მართლსაჯულებაზე, რომელიც ოპიზიციის განმარტებით, პოლიტიკური დევნის შეწყვეტასა და პოლიტპატიმრების გათავისუფლებას ითვალისწინებს, მეორე საარჩევნო სისტემაზე – საპარლამენტო არჩევნები 130/20 მოდელით, 1%-იანი ბარიერით ჩატარდება.
