იტალიაში ბინების გაქურდვის ბრალდებით საქართველოს 2 მოქალაქე დააკავეს. ინფორმაციას ამის შესახებ იტალიური მედია ავრცელებს.
მედიის ცნობით, 1995 და 1997 წლებში დაბადებულმა საქართველოს ორმა მოქალაქემ იტალიის ქალაქ ტრიესტეში 21-დან 26 ივლისამდე სხვადასხვა სახლი გაქურდა. მძარცველებმა საერთო ჯამში 133 000 ევროს ღირებულების ნივთები მოიპარეს.
მედიის ინფორმაციით, სახლების გაქურდვაში ბრალდებული მესამე პირის ძებნა ამ დრომდე მიმდინარეობს.
