,,ევროპული საქართველოს” წევრი, გიგი უგულავა ე.წ მატროსოვის ციხიდან ტვ პირველისთვის მიცემულ სატელეფონო ინტერვიუში ამბობს, რომ დაპატიმრებამდე ბიძინა ივანიშვილისგან მუქარის გზავნილი მიიღო.
უგულავა არ ამჟღავნებს იმ ადამიანების ვინაობას, ვინც მუქარის გზავნილი ივანიშვილისგან მიუტანა.
,,გადმომცა ივანიშვილმა, რომ პოლიტიკიდან წასვლა არა, მაგრამ უნდოდა ასე ვთქვათ “აბაროტების” დაწევა, რაზეც პასუხი ის იყო, რომ არანაირი “აბაროტები” არ დაიწევა, ხალხს რაც დაპირდი, ის შეასრულე, სხვა შემთხვევაში წყალგამყოფი არის, რომ შეუძლებელია, რაიმე ნორმალურობისკენ დაბრუნება,” – ამბობს უგულავა.
მას 10 თებერვალს უზენაესმა სასამართლომ 3 წლითა და 2 თვით პატიმრობა მიუსაჯა. უგულავას დაპატიმრების შემდეგ ოპოზიციამ ხელისუფლებასთან მოლაპარაკებები შეწყვიტა. განაჩენს მწვავე კრიტიკა მოჰყვა საქართველოს პარტნიორი ქვეყნების მხრიდან.
