საქართველოს საფეხბურთო ნაკრების კაპიტანმა ჯაბა კანკავამ ტაქსისტ ძმებს, რომლებიც დედის გადასარჩენად ფულს აგროვებენ თანხა გადაურიცხა.
ინფორმაცია ამის შესახებ სოციალურ ქსელ „ფეისბუქზე” მაია ქართველიშვილის შვილმა გაავრცელა.
,,დიდი მადლობა კაპიტანო, მხარდაჭერისა და თანადგომისთვის. არასდროს დაგივიწყებთ ამ სიკეთეს ჩემთვის ასე მძიმე წუთებში”-წერს ნიკა ქართველიშვილი.
ტაქსი წარწერით #მაიასთვის თბილისის ქუჩებში ცოტა ხნის წინ გამოჩნდა და ის საქველმოქმედოა. შეგროვილი თანხა მაია ქართველიშვილის მკურნალობას მოხმარდება.
54 წლის მაია ქართველიშვილის გადასარჩენად ამ ეტაპზე 150 000 აშშ დოლარია საჭირო.
