სამხედრო მოსამსახურე, რომელმაც ტაილანდის ერთ-ერთ ქალაქში ცეცხლი გახსნა, სპეცოპერაციის დროს მოკლეს. ბოლო მონაცემებით, ჯარისკაცის თავდასხმის შედეგად 26 ადამიანი გარდაიცვალა და 50-ზე მეტი დაშავდა.
“ეს ტაილანდისთვის უპრეცედენტო შემთხვევაა და მინდა, რომ ეს უკანასკნელი იყოს”, – განაცხადა ტაილანდის პრემიერ-მინისტრმა, პრაიუთ ჩან-ოჩამ.
8 თებერვალს უმცროსმა ოფიცერმა, ჯაკრაფანთ თომამ ჯერ საკუთარი მეთაური მოკლა, შემდეგ სამხედრო ბაზიდან იარაღი და საბრძოლო მასალა მოიპარა. გზაში მან ქალაქის რამდენიმე ობიექტს ესროლა და საბოლოოდ სავაჭრო ცენტრ Terminal 21-ში მივიდა.
