რუსთავი 2-ის ერთ-ერთი დამფუძნებელი დავით დვალი ტელეკომპანიაში მიმდინარე მოვლენებს სოციალურ ქსელში ეხმაურება.
“უღრმესი მადლობა ყველას მოლოცვებისთვის. ცოტა ადრეა ოღონდ. ჯერჯერობით მოკითხვაც არავის შემოუთვლია ჩვენთვის. ”
შეგახსენებთ, რომ რუსთავი 2-ის დამფუძნებლებმა, დავით დვალმა და ჯარჯი აქიმიძემ ქიბარ ხალვაშს სტრასბურგის სასამართლოს გადაწყვეტილება მიულოცეს, რომლის მიხედვითაც დადგინდა, რომ საქართველოს ადამიანის უფლებათა ევროპული კონვენციის არცერთი მუხლი არ დაურღვევია.
როგორც ცნობილია აქიმიძე და დვალი ტელეკომპანიისთვის ბრძოლას აპირებენ. დავით დვალმა განაცხადა, რომ პრობლემა მაშინ მოგვარდება, როცა “რუსთავი 2” დამფუძნებლებს დაუბრუნდება.
