კაცი, რომელიც ქობულეთში დღეს დაჭრეს ოპერაციის პროცესში გარდაიცვალა – ამის შესახებ ინფორმაციას „ტვ-25“ ავრცელებს.
შეგახსენებთ, რუსთაველის ქუჩაზე დილით სროლის ხმა ისმოდა, რა დროსაც ერთი ადამიანი ცეცხლსასროლი იარაღით დაჭრეს. შემთხვევას წინ სიტყვიერი დაპირისპირება უძღვოდა.
ფაქტზე შინაგან საქმეთა სამინისტრომ გამოძიება განზრახ მკვლელობის მცდელობის მუხლით დაიწყო.
