საქართველო-აზერბაიჯანის ლაგოდეხის სასაზღვრო-გამშვები პუნქტიდან, ბოლო ორი დღის განმავლობაში, უცხო ქვეყნის 25 მოქალაქეს ქვეყანაში შემოსვლის უფლება არ მისცეს. მიზეზი შემოწმების დროს მაღალი ტემპერატურა და ახალი პასპორტები გახდა, რის გამოც ყველა მათგანი უკან გააბრუნეს.
რეგიონის მასშტაბით ამ დროისთვის არც ერთ სამედიცინო დაწესებულებაში COVID 19-ის სიმპტომით არც ერთი პაცინტი არ მკურნლაობს. თვითიზოლაციაში კი 46 ადამიანი იმყოფება.
„ბოლო მონაცემებით, აზერბაიჯანის 24-მა და უკრაინის 1-მა მოქალაქემ ქვეყანაში შემოსვალზე უარი მიიღეს. ზოგ შემთხვევაში მაღალი ტემპერატურა,ზოგ შემთხვევაში კი, ახალი პასპორტი გახდა მიზეზი, რის გამოც საქართველოში არ შემოვუშვით, რადგან მაღალი რისკია, რომ ახალი პასპორტის მოქნე მოქალაქეები იმყოფებოდნენ რისკ ჯგუფის ქვეყნებში და პასპორტის გამოცვლით მალავდნენ სამოგზაურო ტერიტორიას. საერთოდ რეგიონში სტაბილური მდგომარეობაა. ჯერჯერობით არც ერთი დადასტურებული შემთხვევა არ გვაქს“, – აღნიშნა დაავადებათა კონტროლისა და საზოგადოებრივი ჯანმრთელობის ცენტრის კახეთის სამსახურის უფროსმა, ნელი ხიზანიშვილმა.
დაავადებათა კონტროლისა და საზოგადოებრივი ჯანმრთელობის ეროვნული ცენტრის კახეთის განყოფილება კვლავ საგანგებო რეჟიმში მუშაობს.
საქართველოში კორონავირუსით ინფიცირების 15 შემთხვევაა დადასტურებული, კარანტინის რეჟიმშია 141 ადამიანი, ხოლო სტაციონარში მეთვალყურეობის ქვეშ – 51. პირველი შემთხვევა 2020 წლის 26 თებერვალს დადასტურდა. დაავადებული საქართველოს მოქალაქე ქვეყანაში აზერბაიჯანის გავლით ირანიდან შემოვიდა.
