კახეთში, სიღნაღის მუნიციპალიტეტის სოფელ ჯუგაანში სეტყვის საწინააღმდეგო დანადგარიდან გასროლილი რაკეტა კიკილაშვილების საცხოვრებელ სახლს დაეცა. რაკეტა ჯერ სახლის სახურავს მოხდვა, შემდეგ ოთახის ჭერი გახვრიტა და იატაკი დააზიანა.
შემთხვევის შედეგად არავინ დაშავებულა.
კიკილაშვილების თქმით, შემთხვევა იმ დროს მოხდა, როდესაც სოფლებს ძლიერი სტიქია უტევდა. მათი ინფორმაციით, ოჯახის დიასახლისი რაკეტის დაცემას შემთხვევით გადაურჩა.
