{{ARTICLEIMAGE}}
ბათუმის მერიისა და კომპანია Wondernet Exspress Investment Group-ის ინიციატივით, ქალაქის საკრებულოში კარბამიდის ტერმინალის მშენებლობის პროექტის შესახებ საჯარო განხილვა გაიმართა.
ცნობილია, რომ ბათუმში საზოგადოების ნაწილი პორტში მინერალური სასუქების ტერმინალის მშენებლობის წინააღმდეგია. მათი განცხადებით, ქიმიური ტერმინალი ადამიანის ჯანმრთელობასა და გარემოზე უარყოფითად იმოქმედებს – შესაბამისად, კომპანიამ გადაწყვიტა, მოქალაქეებს მიაწოდოს ვრცელი ინფორმაცია ამ მნიშვნელოვანი პროექტის შესახებ, ასევე კარბამიდის ტერმინალის ეკოლოგიურ უსაფრთხოებასა და ეკონომიკურ სარგებელზე.
საკრებულოს შენობაში დაგეგმილ პროექტის საინფორმაციო განხილვაზე მოწვეულნი იყვნენ დამოუკიდებელი ექსპერტები, მედიის წარმომადგენლები და ყველა ის მოქალაქე, ვისაც სურვილი ჰქონდა, ამომწურავი ინფორმაცია მიეღო.
განხილვისას ყურადღება გამახვილდა ბათუმის პორტის კარბამიდის ტერმინალის ეკოლოგიურ უსაფრთხობასა და ბათუმის ტურისტული პოტენციალის განვითარებასთან მის თავსებადობაზე.
ბათუმის პორტში კარბამიდის ტერმინალის მშენებლობა იწყება. ხელშეკრულება კომპანია Wondernet Exspress Investment Group-სა და ამერიკულ კორპორაცია Trammo-s შორის რამდენიმე დღის წინ გაფორმდა.
აღსანიშნავია, რომ კომპანია Wondernet Exspress Investment Group-ი უმსხვილეს ამერიკულ კორპორაცია Trammo-სთან ერთად ტერმინალის ასაშენებლად 20 მილიონი დოლარის ინვესტიციის ჩადებას გეგმავს.
პროექტის თანახმად, ცენტრალური აზიის ქვეყნებიდან შავი ზღის ნავსადგურებში აზეირბაიჯანისა და საქართველოს გავლით ლოგისტიკური დერეფანი შეიქმნება.
ტერმინალი აღიჭურვება მინერალური სასუქების გადატვირთვისთვის საჭირო თანამედროვე ტექნოლოგიით. ტერმინალი წლის განმავლობაში 1 200 000 ტონამდე სასუქის გადამუშავებასაც შეძლებს.
პროექტის თანახმად, ცენტრალური აზიის ქვეყნებიდან შავი ზღის ნავსადგურებში აზეირბაიჯანისა და საქართველოს გავლით ლოგისტიკური დერეფანი შეიქმნება.
ტერმინალი აღიჭურვება მინერალური სასუქების გადატვირთვისთვის საჭირო თანამედროვე ტექნოლოგიით. ტერმინალი წლის განმავლობაში 1 200 000 ტონამდე სასუქის გადამუშავებასაც შეძლებს.
