ამ წუთებში ზუგდიდში, ერთ-ერთ საცხოვრებელ კორპუსში ხანძარს აქრობენ. ადგილზე 4 სახანძრო ბრიგადაა მობილიზებული.
ცეცხლის გაჩენის მიზეზი, რომელიც საბოლოოდ 4 საცხოვრებელ ბინას მოედო, ელექტროპლიტაა. მისმა აალებამ მცირე მოცულობის გაზის ბალონის აფეთქება გამოიწვია, რასაც ხანძრის გავრცელება მოჰყვა. მომხდარის შედეგად არავინ დაშავებულა.
მეხანძრე-მაშველები ცეცხლის ლოკალიზებას ამ დრომდე ცდილობენ. ჯერჯერობით უცნობია სად გადაიყვანენ საცხოვრებლად დაზარალებულებს და გაუწევენ თუ არა მათ დახმარებას შესაბამისი სამსახურები.
