დიღომში, ე.წ. მიონის ქარხნის შენობაში ამ დროისთვის უკვე ლიკვიდირებულია ხანძარი, რომელსაც ერთი ადამიანის სიცოცხლე ემსხვერპლა. ცეცხლი შენობის მეექვსე სართულზე გაჩნდა. ადგილზე მისულ მეხანძრე მაშველებს ღია ცეცხლში შესვლა მოუწიათ. მათ შენობაში შუა ხნის მამაკაცის ცხედარი დახვდათ. ხანძრის ლიკვიდაციაზე 7 სახანძრო–სამაშველო ბრიგადა მუშაობდა. ხანძრის გამომწვევი მიზეზი ჯერჯერობით უცნობია.
