ვენესუელის დროებით პრეზიდენტს კორუფციაში ადანაშაულებენ. ბრალდება ხუან გუაიდოს ქვეყნის პროკურორმა წაუყენა, რომელიც ირწმუნება, რომ ოპოზიციის ლიდერმა კოლუმბიაში მყოფი ვენესუელელებისთვის განკუთვნილი თანხა არამიზნობრივად დახარჯა.
თებერვალში პრეზიდენტ მადუროს 1400 სამხედრო განუდგა და კოლუმბიაში გადავიდა. ერთ-ერთმა გამოცემამ კი დაწერა, რომ გუაიდოს წარმომადგენლებმა ჯარისკაცებისთვის განკუთვნილი თანხები პირადი მიზნებისთვის დახარჯეს. ამ სქემის ორგანიზატორად კი გუაიდო დასახელდა.
ვენესუელის დროებითი პრეზიდენტი ბრალდებებს უარყოფს და აცხადებს, რომ ამ საქმის ობიექტური გამოძიებისთვის კოლუმბიის ხელისუფლებას დასაბუთებული მასალები გადასცა.
