თვითმმართველ ქალაქებში : ბათუმში, თბილისში, ქუთაისში, ფოთსა და რუსთავში ბუნებრივი აირის ქსელზე ახალი აბონენტის მიერთების ტარიფი გაორმაგდა. ტარიფი 400 ლარი დარჩა საქართველოს სხვა მუნიციპალიტეტებში.
,,სოკარ ჯორჯიას” განცხადებით, ახალ აბონენტებს შეუძლიათ საფასური განწილვადობით გადაიხადონ. ,,განწილვადების მოთხოვნის შემთხვევაში ახალი მომხმარებელი პირველადი გადასახადის სახით, მხოლოდ 25 ლარს იხდის. მიერთების საფასური გაზმომარაგების დაწყებიდან 5 სამუშაო დღეში სრულად უნდა დაიფაროს, ხოლო განწილვადების შემთხვევაში 15 თვის განმავლობაში, ყოველთვიურად 25 ლარის ოდენობით”,- ვკითხულობთ ,,სოკარის” განცხადებაში. კომპანიის ცნობით, 800 ლარში შედის ქსელზე დაერთება და ერთი წერტილი.
,,სემეკი” ტარიფის ცვლილებას ახალ ქსელის დაერთების ხარჯების გაზრდით ხსნის.
“ბუნებრივი გაზის მიწოდებისა და მოხმარების წესების” დამტკიცების შესახებ შესაბამის დადგენილებაში სემეკმა აღნიშნული ცვლილება 2019 წლის 26 დეკემბერს შეიტანა, რომელიც ძალაში 30 დეკემბერს შევიდა.
