შს მინისტრი აცხადებს, რომ „თიბისი ბანკზე“ კიბერშეტევა უკვე ლიკვიდირებული იყო, როცა მათ თიბისი ბანკისგან წერილი მიიღეს. პარლამენტში მისულმა გიორგი გახარიამ თიბისი ბანკის საქმეზე ჟურნალისტების შეკითხვებს უპასუხა. ჟურნალისტებმა მინისტრს კითხვები დაუსვეს ოპოზიციის ბრალდებებთან დაკავშირებით, რომლებიც „თიბისი ბანკის“ საქმეს,გახარიას გავლენებს და წინასაარჩევნო კამპანიის დროს სამეგრელოს რეგიონში გიორგი გახარიას მონაწილეობას საარჩევნო კამპანიაში.
„ეს ყველაფერი განპირობებულია პოლიტიკური კონტექსტით, პოლიტიკური მოტივაციით და გასაგებია. ეს არის ოპოზიციური ნარატივი და მისაღებია. ყველა მსგავს ბრალდებას, ისევე როგორც წერილს. თუ გახსოვთ იყო ასეთი ბრალდება, რომ გახარია აიძულებს „თიბისი ბანკს“ წილების დათმობას? შემდგომ ამას რა რეაქცია მოჰყვა „თიბისი ბანკის“ მფლობელებისგან? – არა ასეთ შემთხვევას ადგილი არ ჰქონია.
კიბერ თავდასხმასთან დაკავშირებით გამოძიება დაიწყო ბევრად უფრო ადრე, რამდენიმე კვირით ადრე, ვიდრე წერილით მოგვმართავდნენ. ამ საქმესთან დაკავშირებით დარწმუნებული ვარ, მექნება დეტალებში შესვლის საშუალება. კიბერთავდასხმის ლოკაცია უკვე აღმოჩენილი იყო, ვიდრე ჩვენ წერილს მივიღებდით ამ კონკრეტული ადრესატისგან და საფრთხეც უკვე ლიკვიდირებული იყო,“ – განაცხადა მინისტრმა.
