ერთკილომეტრიანი საცობია სარფის საბაჟოსთან. დაახლოებით, სამი საათია, რაც სარფის საბაჟო გადაკეტილია და ტრანსპორტით გადაადგილება შეფერხებულია.
სარფის გამშვებ პუნქტამდე საცობი გონიო-კვარიათიდან იწყება. მძღოლები აცხადებენ, რომ საბაჟოზე არ ატარებენ და მათთან შეფერხების მიზეზად თურქულ მხარეს არსებულ პრობლემას ასახელებენ.
სარფის საბაჟოზე მხოლოდ ტრანსპორტის გარეშე მყოფებს შეუძლიათ გავლა.
ამ დროისთვის ბათუმი-სარფის სატრანსპორტო მონაკვეთზე საპატრულო პოლიციის ეკიპაჟები არიან მობილიზებულები.
