პოლიციელზე თავდასმისთვის დაკავებულმა „ერთიანი ნაციონალური მოძრაობის“ წევრმა დღეს სასამართლო პროცესზე ბრალი აღიარა, რის შემდეგაც სახელმწიფო ბრალდებამ მასთან საპროცესო შეთანხმების გაფორმების შუამდგომლობა დააყენა. პროკურატურას დაეთანხმა გურჯაანის რაიონული სასამართლოს მოსამართლე და განმარტა, რომ კირკიტაძეს ორწლიანი პირობითი სასჯელის მოხდა მოუწევს. კირკიტაძე დღესვე სასამართლო დარბაზიდან გაათავისუფლეს. დავით კირკიტაძეს 16 დეკემბერს ველისციხის ინციდენტის დროს პოლიციელზე თავდასხმას, წინააღმდეგობის გაწევასა და შსს-ს კუთვნილი ტექნიკის დაზიანებას ედავებიან.
