“მეგობრებო, რამენაირად უნდა ჩამოყალიბდეთ, კოკა ყანდიაშვილი ვარ თუ არაფორმალური მმართველი?” – ამის შესახებ ჟურნალისტი კოკა ყანდიაშვილი საკუთარ „ფეისბუქის“ გვერდზე წერს.
ყანდიაშვილი დამოუკიდებელი დეპუტატის დავით ჭიჭინაძის განცხადებას გამოეხმაურა, რომლის მიხედვით, საპარლამენტო უმრავლესობის ჩათში დეპუტატებისთვის მესიჯებს კოკა ყანდიაშვილი აგზავნიდა.
„მეგობრებო, რამენაირად უნდა ჩამოყალიბდეთ, კოკა ყანდიაშვილი ვარ თუ არაფორმალური მმართველი? მესმის – ტროლები, მესიჯები, ბოტები, ქარხნები, ვიდეოები, ფაბრიკები, ფეისების ეთერებში გაგზავნა ან აკრძალვა, კიბერთავდასხმები, შავი პიარი და თეთრი ხელთათმანი, მაგრამ მთლად საქართველოს პარლამენტს თუ ვმართავ წლებია – მაღიარეთ, მაღიარეთ“, – წერს კოკა ყანდიაშვილი.
“ერთი ყავდათ, კოკა ყანდიაშვილი, ვინც აგზავნიდა რა ფერ ღილაკზე უნდა დაგვეჭირა. მწვანე კნოპკა რომ ეს არის მომხრე, წითელი წინააღმდეგი. სესიის დროს მოდიოდა, ჯერ კიდევ ქუთაისში ვიყავით. ,”-განაცხადა დღეს საქართველოს პარლამენტის დამოუკიდებელმა დეპუტატმა, დავით ჭიჭინაძემ
