“კორცხელში მასწავლებლებს აიძულებენ, ბიულეტენზე “მე მიყვარს საქართველო,” ან საკუთარი ინიციალები დაწერონ” – ბაჩანა შენგელია

სამეგრელოში, წინასაარჩევნო გარემო დაძაბულ რეჟიმში სრულდება, არჩევნებამდე 2 დღით ადრე ამომრჩეველზე ზეწოლის მორიგ ფაქტებზე გარდაცვლილი სკოლის დირექტორის ია კერზაიას შვილი, ბაჩანა შენგელია საუბრობს. შენგელიას ინფორმაციით, საჭირო ხმების მიღებას ხელისუფლება სკოლის დირექტორებისა და მასწავლებლების დაშინებით ცდილობს.

“დაიწყო გაყალბების უპრეცედენტო (ან ჩვეული) კამპანია და ისევ სკოლის დირექტორების და პედაგოგების ზეწოლის და დაშინების გზით ზუგდიდში.

სოფელ კორცხელში, პედაგოგებს მოსთხოვეს ბიულეტენის უკანა მხარეს მიაწერონ ,,მე მიყვარს საქართველო”, ხოლო ,,ქართული ოცნებისთვის” განსაკუთრების არასანდოებს თხოვენ სახელ-გვარის ინიციალების მიწერას.

არაერთ სკოლაში პედაგოგებს დაავალეს ფოტო გადაუღონ ბიულეტენს, რომელშიც იქნება შემოხაზული 41.

ისევ სკოლები, ისევ ტერორი, ისევ ძალადობა… გაიღვიძეთ!”-წერს ბაჩანა შენგელია სოციალურ ქსელში.