ჩინელმა მეცნიერებმა ჩაატარეს კვლევა და დაადგინეს, რა შედეგები ემუქრებათ მათ, ვინც ახალი კორონავირუსი გადაიტანა. გაირკვა, რომ ყველაზე მეტად კორონავირუსი ფილტვების ფუნქციას აზიანებს– განკურნებული პაციენტები სწრაფი სიარულისას სუნთქვის გაძნელებას გრძნობენ. ამის შესახებ ჰონკონგის საავადმყოფოთა გაერთიანების მართვის სამსახური ავრცელებს ინფორმაციას.
მედიკოსებმა ეს დასკვნა 12 პაციენტის კვლევის შედეგად გააკეთეს, რომლებიც კორონავირუსისგან განიკურნენ. რამდენიმე პაციენტს 20–30%–ით ქონდა დარღვეული ფილტვების ფუნქცია და და მათ სიარულისას სუნთქვა ეკვროდათ.
გარდა ამისა, ექიმებმა ჩაატარეს ყველა გამოჯანმრთელებულის ფილტვების ტომოგრაფია. მათ ფილტვებში აღმოჩნდა ე.წ. დაბურული მინის სიმპტომის მსგავსი ნიშნები, რაც შინაგანი ორგანოების დაზიანების სიგნალია.
ამჟამად მეცნიერები ცდილობენ გაარკვიონ, რამდენად დიდხანს ნარჩუნდება ორგანიზმში კორონავირუსის უარყოფითი შედეგები. ყველა გამოჯანმრთელებულს ექიმებმა ურჩიეს გულის და ფილტვების გაძლიერებაზე იზრუნონ. გარდა ამისა, ცურვით დაკავდნენ.
