კორონავირუსის გავრცელების შეზღუდვის გამო სერიალმა ,,ჩემი ცოლის დაქალები” გადაღებები შეაჩერა.
სერიალის ოფიციალურ ,,ფეისბუქ” გვერდზე განთავსებული განცხადების მიხედვით, ეპიზოდების გადასაღებად ამ დრომდე 3 გადამღები ჯგუფი ყოველდღე მუშაობდა.
,,მეგობრებო, ვიცით ყველა მოუთმენლად ელოდებით ჩემი ცოლის დაქალების ახალ სერიებს, თუმცა, სამწუხაროდ, უნდა გაცნობოთ, რომ იძულებულები გავხდით დროებით შეგვეჩერებინა გადაღებები.
ამ დრომდე 3 გადამღები ჯგუფი მუშაობდა ყოველდღე, რათა ყოველ პარასკევს, შაბათს და კვირას თქვენამდე მოგვეტანა ის, რაც ასე ძალიან გვიყვარს. თუმცა ქვეყანაში მიმდინარე მოვლენები გვაიძულებს, შევწყვიტოთ სამუშაო პროცესი. ჩვენ თავს ვალდებულად ვთვლით, ვიზრუნოთ ჩვენი თანამშრომლების ჯანმრთელობაზე და მაქსიმალურად შევზღუდოთ ვირუსის გავრცელების რისკი”,- წერია განცხადებაში.
ჩცდ-ს გადამღები ჯგუფი მაყურებლებს მოუწოდებს, თავს გაუფრხილდნენ და რეკომენდაციები დაიცვან.
