ახალი კორონავირუსის გავრცელების პრევენციის ღონისძიებების ფარგლებში, თავდაცვის სამინისტროს გორის სამხედრო ჰოსპიტალში საკარანტინო ზონა შეიქმნა.
„გორმედის“ ქსელის ყველა კლინიკა უზრუნველყოფილია შესაბამისი სამკურნალო საშუალებებით, აპარატურული მხარდაჭერით და ადამიანური რესურსით, რომ კვალიფიციურად მოხდეს პაციენტების მართვა. შექმნილია სტრატეგიის მართვის კომიტეტიც და შემუშავებული გვაქვს სქემები იმ შემთხვევისთვის, თუ, ვთქვათ, თვითდინებით შემოვა ვირუსულ ინფექციაზე საეჭვო პაციენტი. ამ დროისთვის პაციენტების განსაკუთრებული მომართვიანობა არ ფიქსირდება. მუშაობას ვაგრძელებთ ჩვეულ რეჟიმში. სტაციონარში მოთავსებული პირების ახლობლებისთვის განსაზღვრულია მონახულების გარკვეული საათები. დარეგულირებულია საკვების და პირადი ნივთების მიწოდების საკითხიც“, – განაცხადა „გორმედის“ ქსელის ხელმძღვანელმა.
