თვითნებურად დამონტაჟებული გამათბობლების და წყლის გამაცხელებლების გამო უბედური შემთხვევების საგანგაშო სტატისტიკასთან ბრძოლას ხელისუფლება კანონის ცვლილებით აპირებს. ახალი რეგულაციები ძალაში 15 ნოემბრიდან შევა.
ცვლილებების მიხედვით საცხოვრებელი ბინების წელიწადში ერთხელ შემოწმება სავალდებულო გახდება. თვითნებურად დამონტაჟებული წყლის გამაცხელებლის აღმოჩენის შემთხვევაში კი მოქალაქეს ფულადი ჯარიმა დაეკისრება. განმეორების შემთხვევაში თანხა ორმაგდება. კანონპროექტის მიხედვით, მოქალაქეებს აკრედიტირებული ინსპექტორები შეამოწმებენ.
რეგულაციის მიხედვით, მოქალაქეთა ბინების შემოწმება წელიწადში ერთხელ სავალდებულო გახდება.
„თბილისი ენერჯი“ თვითნებურად დამონტაჟებული გაზის დანადგარების პრობლემაზე ინფორმაციას მუდმივად ავრცელებს. კომპანიის ბოლო სტატისტიკით სექტემბერში თბილისის საცხოვრებელ ბინებში გაზდანადგარების შემოწმებისას 2918 დარღვევა გამოავლინა. კომპანიის სპეციალისტებმა მიმიდნარე წლის სექტემბერში თბილისში, საცხოვრებელ ბინებში კუსტარულად დამონტაჟებული და აკრძალული, ღია კამერიანი გაზგამათბობელი და წყალგამაცხელებელი ჩაჭრეს. როგორც კომპანიაში აცხადებენ, ბინის მეპატრონეთა დიდი ნაწილი, სადაც გაზის დანადგარები ქსელიდან ჩაიხსნა, ერთხელ უკვე იყო გაფრთხილებული . ყველაზე მეტი კუსტარულად დამონტაჟებული დანადგარი კი სამგორში, ისანი-ვაზისუბანში ( 488 ) და სანზონაში ( 303) ჩაიხსნა.
