“პატრიოტთა ალიანსის” დეპუტატს ემზარ კვიციანს იმედი აქვს, რომ “ქართული ოცნების” თავმჯდომარე, ბიზნესმენი ბიძინა ივანიშვილი მსუყე თანხას ჩარიცხავს შეყვარებულთა აღმრიცხავ ცენტრში. რომელიც ემზარ კვიციანმა რამდენიმე დღის წინ დაარეგისტრირა.
“6 დღეა რაც დარეგისტრირდა, მაგრამ ანგარიში 2 დღეა რაც გაიხსნა. ჯერჯერობით ინფორმაცია არ გვაქვს, მაგრამ, მხედველობაში მაქვს ემიგრაციაში მყოფი წარმატებული ბიზნესმენები, რომელთა თხოვნითაც შეიქმნა, სხვათაშორის, ეს ცენტრი და ვნახოთ რა იქნება მომავალში. მაგრამ დიდი იმედი მაქვს, რომ ბატონი ბიძინა ივანიშვილი, რომელიც რომ, ასე თავგამოდებით არის ქველმოქმედი და არის ქართველი ხალხის გვერდით ამდენი წელიწადია, ერთ კაი მსუყე ჩანარიცხს გააკეთებს”,- განაცხადა ემზარ კვიციანმა ტელეკომპანია “მაესტროს” ეთერში, ჟურნალისტის შეკითხვის პასუხად.
ემზარ კვიციანის იდეით შექმნილი შეყვარებულთა აღმრიცხავი ცენტრი საჯარო რეესტრმა დაარეგისტრირა. ცენტრის სახელწოდებაა “ქართული ემიგრაციის, დემოგრაფიული და ეკონომიკური ცენტრი”.
