ბოლო დღეებში მკვეთრი ვარდნის შემდეგ დღეს ლარი მცირედით გამყარდა. ეროვნულმა ბანკმა დღის მეორე ნახევარში ახალი ოფიციალური გაცვლითი კურსი გამოაქვეყნა, რომელიც დოლართან მიმართებაში 2. 7870–ს შეადგენს. ჯერჯერობით ძნელია პროგნოზირება, ნიშნავს თუ არა ეს ლარის გაუფასურების პროცესის შეჩერებას და გაგრძელდება თუ არა ლარის გამყარების ტენდენცია. ბოლო დღეებში ლარმა გაუფასურების ისტორიულ მაქსიმუმს მიაღწია და 2,8023 მაჩვენებელზე დაფიქსირდა.
