ეროვნული ვალუტა რეკორდულად გაუფასურდა, ლარი 4 თეთრით დაეცა.
ეროვნული ბანკის მიერ დადგენილი ახალი კურსის მიხედვით, ერთი ამერიკული დოლარის ღირებულება 2.8791 ლარია. კურსი, რომელიც დღეს მოქმედებდა, 2.8470 ლარი იყო.
შესაბამისად, დოლარის ცვლილებამ ეროვნულ ვალუტასთან მიმართებაში 0.0321 ლარი შეადგინა.
ლარი გაუფასურდა ევროსთან მიმართებაშიც. ეროვნული ბანკის მონაცემების თანახმად, ერთი ევრო 3.2758 ლარი ეღირება, რაც დღეს მოქმედ კურსთან შედარებით, 0.0402 თეთრით მეტია.
კომერციულ ბანკებსა და სავალუტო ჯიხურებში კურსი გაცილებით მაღალია.1 დოლარის ღირებულება 2.90 ლარს აღწევს.
ეროვნული ბანკის მიერ გამოქვეყნებული ახალი კურსი ძალაში ხვალიდან შევა.
