ვერის ბაღში გამართულ შეკრებაზე ლევან ვასაძემ ლგბტ თემის წინააღმდეგ ბრძოლა და სახალხო რაზმების შექმნა გამოაცხადა. ბიზნესმენმა გამოსვლა ლოცვით დაიწყო, რასაც იქ შეკრებილი მოქალაქეებიც შეუერთდენენ.
ვასაძე ამბობს, რომ სახალხო რაზმის წევრები ლგბტ თემს ხელებს შეუკრავენ და დააბამენ სადაც საჭიროა. ვასაძე ამბობს, რომ ის ძალადობისკენ არავის მოუწოდებს, თუმცა სამართალდამცავებს გაფრთხილებას აძლევს. ვასაძის თქმით, ის არ ურჩევს სამართალდამცავებს მათ შეჩერებას. სახალხო რაზმებს კომბლებიც ექნებათ, რომელთაც მხოლოდ უკიდურეს შემთხვევაში გამოიყენებენ.
ლევან ვასაძის განცხადებით, ის, რაც რამდენიმე დღის წინ კანცელარიასთან მოხდა, აღარ განმეორდება.
„ჩვენ მოვახდებთ დღეს თვითორგანიზებას სახალხო რაზმებად. ჩვენ გვეყოლება ათეულები, ეს შეიკრიბება ასეულებად ასისთავით, რომელიც შეიკრიბება ათასეულად და იქნება ლეგიონი. აქ შეკრებილებს შორის არის უამრავის სამხედრო გამოცდილების მქონე პირი, უამრავი სასახელო სპორტსმენი, მორაგბეები, მოჭიდავეები. შექმნილი ათეულები, შეკრულები ათასეულებად ერთი კვირის განმავლობაში იმუშავებენ თბილისში, გაინაწილებენ ქალაქს და იქნება ქალაქის პატრულირება მშვიდად. არავითარი იარაღი ჩვენ არ გვექნება გარდა ერთისა ეს იქნება იარაღი, რომლის მეშვეობითაც ჩვენ, თუკი, პროპაგანდისტები გარყვნილებისა ეცდებიან რაიმე სახის დემონსტრაციის ჩატარებას, ნებისმიერ კორდონს, რომელსაც ჩვენი პოლიცია დაგვიყენებს და იმედია, ეყოფათ ჭკუა, რომ ეს არ გააკეთონ, აუცილებლად გავარღვევთ. რისთვის გავარღვევთ? რომ ქათმები ჩავქოლოთ ან ვიღაც ლესბოსელები, უსინდისო არასამთავრობოს ჭიჭყინა ბავშვები, ვინც ფულს აკეთებენ სამშობლოს გაყიდვაზე? არა. ჩვენ მათ შევუკრავთ ხელებს ქამრებით, რომლებიც თან გვქნება და მივაბრძანებთ იმ ადგილიდან სადაც ისინი იქნებიან. თუ ქალაჩუნა კაცი შეგაგინებთ, შეგაფურთხებთ , ნუ დაარტყამთ ხელს, ძალიან თუ გაგაბრაზათ ყური აუწიეთ.
მინდა გავაფრთხილო ჩვენი საყვარელი პოლიციელები , არაფერი შეგეშალოთ, ძმებო. კორდონების გარღვევისას ღმერთი არ გაგიწყრეთ და არ დაუწყოთ ცემა ჩვენებს იმიტომ, რომ მაგ შემთხვევაში მიიღებთ პასუხს.
არ ვარ მიამიტი კაცი, ისევე როგორც ყველა, ვინც აქ შეიკრიბა და ძალიან კარგად მესმის, რომ როდესაც ჩვენ დავალაგებთ ჩვენი სამხედროების, მორაგბეების და მოჭიდავეების ხელმძღვანელობით კორდონების გარღვევის სტრატეგიებს – ეს იქნება სოლისებური შესვლება, ათეულების დარტყმები ამ კორდონებზე. ჩვენ გვესმის, რომ პირველი ათეული შევა, ვერ გაანგრევს, მაგრამ არევს, მეორე დაასუსტებს და მესამე შევა, მეოთხე, მეხუთე ხომ შევა. ჩვენ ეგ არ გაგვიჭირდება, ქართველმა კაცმა იცის, რომ უნდა დაეცეს იმისთვის, რომ დროშა წინ წავიდეს. მინდა გავაფრთხილო ჩვენი საყვარელი პოლიციელები – არაფერი შეგეშალოთ, ძმებო. კორდონების, თუ თქვენს ხელმძღვანელობას ჭკუა არ ეყო და მაინც დაგაყენეს იქ, გარღვევისას ღმერთი არ გაგიწყრეთ და არ დაუწყოთ ცემა ჩვენებს იმიტომ, რომ მაგ შემთხვევაში მიიღებთ პასუხს. ჩვენ არ მოვალთ იქ იარაღით, ჩვენ მოვალთ შიშველი ხელებით და ქამრებით.
მინდა მივმართო ჩვენც პოლიციელებს, ის რაც თქვენ გააკეთეთ კანცელარიასთან აღარ გამოგივათ. არც ერთ ჩვენიანს არ გაგატანთ. სტაცებთ ხელს ვინმეს ათეულში? ათეული გამოესარჩლება მას. არ ეყოფა ათეული? ასეული გამოესარჩლება. თუ რაღაც სასწაული მოხდა და ჩვენს ლომივით მეომრებს მაინც გამოსტაცეთ ერთი ჩვენიანი თქვენს თავს დააბრალეთ. სადაც წაიყვანთ, რომელ პოლიციის განყოფილებაშიც იქ მოგაკითხავთ, იმ კორდონს გავარღვევთ და იქიდან გამოვიყვანთ ჩვენიანს. ერთადერთი გზა, როგორც შეგეძლებათ გაგვაჩეროთ, არის ტყვია და გთხოვთ, მე მესროლეთ ის პირველი ტყვია,- განაცხადა ვასაძემ.
