ის ვარაუდობს, რომ ზეწოლა მის შვილებთან დაკავშირებით ხორციელდება. არ გამორიცხავს, რომ ხანძარი მაღალჩინოსნებისგან იყოს პროვოცირებული. „ბაზრობასაც აქვს პრობლემები, დივერსიასაც არ გამოვრიცხავ. ბაზრობის მფლობელებსაც აქვთ პრობლემები და ოპერატორებსაც. პრობლემებია მთავრობის მაღალჩინოსნებთან, რომლებიც ცდილობენ, რაღაც უმსგავსობას, როგორც ყველგან. ზოგადად ზეწოლა მთავრობის მხრიდან, პირადად ჩემზე არის. უმსგავსოებას ვუწოდებ იმ ზეწოლას, რაც ჩემზეა, მარტო ბაზრობასთან დაკავშირებით კი არა, ზოგადად. გვართმევენ ქონებას პროკურატურა, სასამართლო, შსს, სუსი თავი და თავია ყველაფრის. მოქალაქეები დაუცველები არიან,“ – აღნიშნა ქირიამ.
მისი თქმით, ხანძარი ლოკალიზებული იყო, თუმცა წყლის უქონლობის გამო, ისევ გაღვივდა.
ლილოში ე.წ. ჩინელების დასახლებაში ჭირნახულის ქუჩაზე ხანძარი საღამოს ათი საათისთვის გაჩნდა. გაჩნდა. როგორც საგანგებო სიტუაციების მართვის სამსახურში განაცხადეს, ცეცხლი ე.წ ჩინელების ბაზარში გაჩნდა. ამ დროისთვის ადგილზე 17სახანძრო და ორი სამაშველო ბრიგადა მუშაობს. ხანძარი ლოკალიზებულია და მისი ლიკვიდაცია მიმდინარეობს.
ხანძრის შედეგად დაშავებული არ არის. დამწვარია დაახლოებით 1000კვ.მ. ფართობი, რომელზეც სხვადასხვა სარეალიზაციო საქონელი იყო განთავსებული.
