რუსეთის საგარეო საქმეთა სამინისტროს ოფიციალური წარმომადგენელი მარია ზახაროვა ქართველ ჟურნალისტებთან მომხდარ ფაქტს ეხმიანება, როდესაც ლავროვმა ჟურნალისტებს ავადმყოფები უწოდა. მისი თქმით, ქართველი მედიის წარმომადგენლები დელეგაციას თავს დაესხნენ.
,,ქართველი ჟურნალისტები [ეს უკვე მიმია] თავს დაესხნენ რუსეთის დელეგაციას. სიარული უბრალოდ შეუძლებელი იყო, ყვრიდონენ, ჯიკაობდნენ და ასე ცდილობდნენ საგარეო საქმეთა მინისტრთან მიახლოებას. სვლის გასაგრძელებლად ყველანაირი ღირსებადაკარგული ქალების გაჩოჩება გახდა საჭირო. და იცით მათ რა აინტერესებდათ ? – შეუძლებელია ამის დაჯერება! მათ ერთადერთი კითხვა ჰქონდათ – ჩავა თუ არა ლავროვი თბილისში? ეს უკვე გონების დაბნელებაა – ასეთი დამოკიდებული იყო სხვა ქვეყნის წარმომადგენლის შესაძლო ჩამოსვლაზე. საცოდავი სანახაობაა”,- წერს სოციალურ ქსელში ზახაროვა.
მისი თქმით, იმედისა და საზოგადოებრივი მაუწყებლის ჟურნალისტებმა მას და მის კოლეგას ხელი კრეს, თუმცა ლავროვი არ დაშავებულა. ზახაროვა ფოტოებსაც აქვეყნებს, სადაც , მისი თქმით, ჩანს დაზიანებები, რომლებიც ჟურნალისტებმა მიაყენეს.
,,თქვენ ავადმყოფები ხართ, გოგონებო”,- ასე მიმართა რუსეთის საგარეო საქმეთა მინისტრმა, სერგეი ლავროვმა, ქართველი ჟურნალისტების მას შემდეგ, რაც ევროსაბჭოს მინისტერიალის შესახებ კითხვა დაუსვეს.
