მასწავლებლის კომპეტენციის დადასტურების გამოცდებზე 2 მასწავლებელი ე.წ შპარგალკით, ერთი კი არაფხიზელ მდგომარეობაში მივიდა.
შეფასებისა და გამოცდების ეროვნული ცენტრისგან მასწავლებელთა 2019 წლის გამოცდებზე დაგვიანებებისა და გამოცდიდან მოხსნის შესახებ სტატისტიკა EDU.ARIS.GE-მ გამოითხოვა.
მასწავლებლის კომპეტენციის დადასტურების გამოცდები 10 ივლისს დაიწყო.
ორი დღისთვის ეს მონაცემებით, კომპეტენციის დასადასტურებლად დარეგისტრირებული აპლიკანტებიდან 10-11 ივლისს, სამივე სესიაზე, 81%-ზე მეტი გამოცხადდა. იყო დაგვიანების 9 შემთხვევა. სესიებიდან 3 აპლიკანტი მოიხსნეს, აქედან ორ შემთხვევაში მოხსნის მიზეზი დამხმარე მასალის გამოყენების მცდელობა, მესამე შემთხვევაში კი არაფხიზელი მდგომარეობა იყო.
