ქალთა უფლებადამცველმა ბაია პატარაიამ თამთა თოდაძის საქმესთან დაკავშირებით ჟურნალისტებისთვის პრესკონფერენცია გამართა და განაცხადა, რომ მთავარი პროკურატურა პროცესს ხელოვნურად აჭიანურებს.
“ერთი კვირა გავიდა და ბრალი არავის არ წაუყენეს, დაკავებული არავინ არ არის, მაშინ როცა ძალიან ძლიერი მტკიცებულებები არსებობს საქმეში. გვაქვს უცნაური შემთხვევა როცა სისტემა არ მუშაობს, მადლობა მინდა გადავუხადო თამთას, რომელიც იჩენს სიმამაცეს არის გულწრფელი და ღიად პასუხობს ყველა შეკითხვას, ვინაიდან პროცესი არ მიმდინარეობს მართლმსაჯულების სიტემაში, პროცესმა გადმოინაცვლა გარეთ, მედიაში. რეალურად გამოდის რომ ბრალად ვუყენებ მე, ილიას ეშმაკის ადვოკატის როლს თამაშობს ნიკა გვარამია, მსაჯულების როლს თამაშობს საზოგადოება.
ეს არ არის ნორმალური პროცესი ასე არ უნდა ხდებოდეს ამ საქმეების გამოძიება და მიმდინარეობა. ეს ყველაფერი ხდება მხოლოდ იმიტომ რომ პროკურატურა არ ასრულებს საკუთარ ვალდებულებას, შსს ატარებს გარკვეულ საგამოძიებო მოქმედებებს, მაგრამ პროკურატურა არის სრულიად უმოქმედოდ და გაჩერებული, არსებობს საქმეში საკმარისი მტკიცებულება, რომ ბრალი წაუყენონ ადამიანს, მაგრამ ამას პროკურატურა არ აკეთებს და მე მინდა მივმართო თადუმაძეს, მისცეს პროკურორს მუშაობის საშუალება. დარმწუნებული ვარ რომ ეს საქმე წყდება მთავარი პროკურორის დონეზე და საქმე ხელოვნურად არის გაჩერებული.ჩვენ არავის არ მივცემთ იმის საშუალებას რომ ეს საქმე რაცანაირად ჩაიფარცხოს”-აცხადებს პატარაია.
ბაია პატარაიამ ასევე მთავარ პროკურატურასთან აქცია დააანონსა და საზოგადოებას მხარდაჭერისკენ მოუწოდა.
შეგახსენებთ, რომ თამთა თოდაძე “ქართული ოცნების” საკრებულოს დეპუტატს ილია ჯიშკარიანს გაუპატიურების მცდელობასა და ფიზიკურ ძალადობაში ადანაშაულებს.
