“მეფეს“ სამეფო ტიტულების გაყიდვაში ადანაშაულებენ.ახალი დეტალები ბაგრატიონების ოჯახის სკანდალში

ნუგ­ზარ და ანა ბაგ­რა­ტი­ონ-გრუ­ზინ­სკე­ბი და­ვით ბაგ­რა­ტი­ონ მუხ­რა­ნე­ლის წი­ნა­აღ­მდეგ სა­სა­მარ­თლო­ში ქარ­თუ­ლი სა­მე­ფო სახ­ლის მემ­კვიდ­რე­ო­ბის­თვის დავას იწყე­ბენ. მო­სარ­ჩე­ლე მხა­რე, ბაგ­რა­ტი­ონ-გრუ­ზინ­სკი ყო­ფილ მე­უღ­ლეს სა­მე­ფო სა­ხე­ლის უნე­ბარ­თვოდ სარ­გებ­ლო­ბა­ში სდებს ბრალს და ითხოვს სასამართლომ დავით ბაგრატიონ მუხრანელს სამეფო სახლის სახელის გამოყენება აუკრძალოს. მო­რა­ლუ­რი ზი­ა­ნის ანა­ზღა­უ­რე­ბის­თვის კი სიმ­ბო­ლურ თან­ხას – 1 ლა­რის გა­დახ­დას ითხოვს.

ბაგრატიონ-გრუზინსკების სამეფო ოჯახის თქმით, მათი ყოფილი სიძე, დავით ბაგრატიონ მუხრანელი უნებართვოდ იყენებს დინასტიის ტიტულატურას, ფულზე ყიდის სხვადასხვა ორდენებს, ისაკუთრებს ყოფილი მეუღლის, ანა ბაგრატიონ–გრუზინსკის ისტორიას და იგონებს არარსებულ მეფეებს, რომელსაც შემდეგ მიაწერს საკუთარ გენეალოგიურ შტოს.

„2017 წლის მარტში მან რაღაც დონეზე მოახერხა ბრიტანეთის სამეფოში შეხვედრა, ბუნებრივია დედოფლის დონეზე არა, თუმცა ბრიტანეთის სამეფოში შეხვდნენ და მოხდა საქართველოს სამეფო სახლის სახელით ორდენის გადაცემა. ეს ორდენი არის ჯილდო, რომელიც შეიძლება კონკრეტული დამსახურებისთვის საქართველოს სამეფო სახლმა გადასცეს ვინმეს. ამის შემდგომ ერთ-ერთი ავტორიტეტული გამოცემა “Daily Mail”-ის ჟურნალისტი უკავშირდება დავითს, ეცნობა როგორც ადგილობრივი ბიზნესმენი და სთხოვს,რომ მასაც აქვს სურვილი,რომ ეს ჯილდო მიიღოს. ასახელებს კონკრეტულ თანხას, რომლის სანაცვლოდაც ის არის მზად რომ იგივე ჯილდო გადასცეს ნებისმიერ პირს,როგორი ჯილდოც მან გაუგზავნა ელიზაბეტ მეორეს. როდესაც ეს თანხის სანაცვლოდ ხდება ჩრდილი ადგება ნამდვილ სამეფო ოჯახს. რადგან სამეფო ჯილდოების გადაცემა არ უნდა იყოს დამოკიდებული იმაზე ვინ რამდენ თანხას გადაიხდის,”-აცხადებს ნუგზარ და ანა ბაგრატიონ-გრუზინსკების ადვოკატი ლევან გორელაშვილი.

საქმე სამართლებრივად იმდენად რთულია, რომ მისი განხილვა საქალაქო სასამართლოში სამი მოსამართლისგან შემდგარ კოლეგიას მოუწევს.

სა­მო­ქა­ლა­ქო დავა სა­მე­ფო ოჯა­ხის წარ­მო­მად­გენ­ლებს შო­რის ერთი წლის წინ და­ი­წყო, თუმ­ცა მა­შინ სა­ქა­ლა­ქო სა­სა­მარ­თლომ სარ­ჩე­ლის გან­ხილ­ვა­ზე უარი გა­ნა­ცხა­და. მო­სარ­ჩე­ლე მხა­რემ ეს გა­და­წყვე­ტი­ლე­ბა სა­ა­პე­ლა­ციო სა­სა­მარ­თლო­ში გა­ა­სა­ჩივ­რა, მე­ო­რე ინ­სტან­ცი­ის სა­სა­მარ­თლომ სა­ქა­ლა­ქო სა­სა­მარ­თლოს ამ და­ვის გან­ხილ­ვა და­ა­ვა­ლა. საქ­მეს მო­სა­მარ­თლე­თა კო­ლე­გი­უ­რი შე­მად­გენ­ლო­ბა, სამი მო­სა­მარ­თლე გა­ნი­ხი­ლავს. სხდო­მა­ზე სპე­ცი­ა­ლის­ტე­ბის სტა­ტუ­სით მიწ­ვე­ულ­ნი იქ­ნე­ბი­ან ის­ტო­რი­ულ მეც­ნი­ე­რე­ბა­თა აკა­დე­მი­კო­სე­ბი – როინ მეტ­რე­ვე­ლი და გი­ორ­გი ოთხმე­ზუ­რი.

უცნობია, დაესწრება თუ არა სასამართლო პროცესს დავით ბაგრატიონ-მუხრანელი. მისი ადვოკატი ლევან ჩხეიძე მოსარჩელე მხარეს თვითმარქვიად მოიხსენიებს. ჩხეიძე ამბობს, რომ მათ ნუგზარ ბაგრატიონ-გრუზინსკის DNM-ის ტესტის ჩატარება შესთავაზეს, რათა დაედასტურებინა, რომ ნამდვილად ბაგრატიონების შტოს წარმოადგენდა. ჩხეიძე ამბობს, რომ ნუგზარ ბაგრატიონმა კვლევის ჩატარებაზე უარი განაცხადა, რაც ამძაფრებს ეჭვს, რომ ის თვითმარქვიაა.

სასამართლო სხდომა 12 მარტს თბილისის საქალაქო სასამართლოში გაიმართება.

ანა ბაგრატიონ გრუზინსკიმ და დავით ბაგრატიონ მუხრანელმა პატრიარქის ინიციატივით 2009 წელს იქორწინეს. მათ ჯვარი წმინდა სამების საკათედრო ტაძარში დაიწერეს. ეკლესია არ მალავდა , რომ ეს ქორწინება საქართველოში მონარქიული წყობილების აღდგენის საფუძველი უნდა ყოფილიყო და ბაგრატიონების ორი შტოს ქორწინებით გაერთიანება ამიტომაც მოხდა, რათა ამ ქორწინებაში დაბადებული ბავშვი ბაგრატიონთა ტახტის მემკვიდრე გამხდარიყო.თუმცა სამეფო ოჯახმა დიდხანს ვერ გაძლო. წყვილი მალევე დაშორდა ერთმანეთს.