დღეს გამთენიისას კოპა ამერიკის ნახევარ ფინალში ბრაზილია არგენტინას უპირისპირდებოდა. მატჩი ბრაზილიაში იმართებოდა და ადგილობრვირი პუბლიკაც შედეგით გახარებული დარჩა.
ბრაზილიელებმა ფირმინოს და გაბრიელ ჟესუსის გოლებით 2-0 სძლიეს არგენტინას და ფინალში ჩილესა და პერუს ნაკრებებს შორის გამარჯვებულს დაელოდება.
სალესაომ ანგარიში 19 წუთზე გაბრიელ ჟესუსის გოლით გაიხსნა. ამის შემდეგ იყო შანსები ორივე გუნდის კართან. პირველი ტაიმის მიწურულს არგენტინელებს მატჩის გათანაბრების რეალური შანსი ჰქონდათ,თუმცა აგუეროს დარტყმული ხარიხამ მოიგერია.
ისევე როგორც პირველ ტაიმში, მეორეშიც ორივე გუნდი აქტიურობდა, თუმცა საბოლოოდ მეორე გოლი ისევ არგენტინის კარში გავიდა. გაბრიელ ჟესუსის პასის შემდეგ რობერტო ფირმინო გამოირჩა და მატჩის საბოლოო შედეგიც დააფიქსირა. მესის სანაკრებო ტიტული კვლავ გადაიდო.
