ამ წუთებში მეტეხტს ხიდთან საგანგებო სიტუაციების სამსახურის მაშველები და საპატრულო პოლიციაა მობილიზებული. იქვეა სასწრაფო დახმარების მანქანა. საგანგებო სიტუაციების მართვის სამსახურში შევიდა შეტყობინება, რომ მეტეხის ხიდიდან მტკვარში მამაკაცი გადახტა. თუმცა ჯერჯერობით არ არის დაზუსტებული ინფორმაცია, მართლაც გადახტა თუ არა მტკვარში მამაკაცი. ამ დროისთვის მაშველები მტკვრის სანაპიროს პერიმეტრზე საძიებო სამუშაოებს აწარმოებენ. მობილიზებულია მყვინთავების ჯგუფიც.
